Anmol Hai Woh Pal...

Bachpan ke woh pal Jo 

Sachhey hua kartey the…

Teri maujudagi mai hi toh

Hum jiya kartey the…

Khushiyaan aur gham ka na tha

Ehsas mujhko par…

Terey ehsas se hi to hum, 

Jiya kartey the...

Anmol hai woh pal..bachpan ke the jo pal...chaahat mai teri hm jab jiya kartey the...

Yaad aati hai woh yaadein mujhko bhi

Jab chhat se hum tujhko dekha kartey the...

Ghanton ke baad jab tu humko dikha karti thi

Dekh ke tujhko tab hum chhipa kartey the…

Kaid kar unn lamhon ko,

Muskurakey hum jiya kartey the…

Anmol hai vo pal...bachpan ke the Jo pal...chaahat mai teri hum jab jiya kartey the...

Khudha bhi tha meherbaan

Bachpan bhi tha naadan…

Jo karishma tab hua kya kehna hai uska merey yaar

Safar Mai hum dono chalney lagey tab saath…

Karkey khuda ka shukriya khaayi kasmey humney saath

Safar tha suhana..kasmey thi nibhana

Bachpan ke uss pal ko ab tha jee jana.

Anmol hai vo pal...bachpan ke the Jo pal...chaahat mai teri hum jab jiya kartey the...

Sukh dukh ke saathi hum

Saath saath chaltey gaye...

Chaltey chaltey hum aagey hi bhadtey gaye.

Jiya tha humney woh pal

Jo bachpan se chaahat thi…

Raha mai terey saath

Shukriya iss innaayat ki…

Na janey kab kya hua 

Sab humsey kho gaya…

Bachpan ke pal woh...
 jo hum jiya kartey the

Anmol hai vo pal...bachpan ke the Jo pal...chaahat mai teri hum jab jiya kartey the...

Na janey ye kaisey hua

Karishma toh phirsey hua

Aakhir Juda hum dono ho hi gaye...

Sikha hai humney bahut kuch

Tujhsey oo merey yaara

Chaahata hoon khushiyaan teri 

Khud se bhi zyada…

Saathi miley tujhko aisa

Jo nibhaaye kasmey aur de khushiya saari…

Aur bhula de pal vo

Jo bachpan mai thi humari…

Milunga jab khuda se mai

Baatein bahut hongi

Savaalo ke saath mulakat bhi hogi…

Puchoonga unsey mai..ki kiya aisa kyu

Diya aapney tab..jab naadan the hum

Chiinn liya sab..jab hosiyar huye hum…

Takleef hoti hai ye Dil bhi rota hai 

Bula lo pass apney ab aur na sahan hota hai.

Anmol hai vo pal...bachpan ke the Jo pal...chaahat mai teri hum jab jiya kartey the...