Beti - Ek baap ki chahat

Maangta nahi mai beti
Isiliye nahi ki chahiye mujhey beta

Darrta hu Mai iss sansaar se
Iss haivaaniyat ke raag se

Har samay har ghadi
Merey Dil ka bas ek saval hai
Kya Meri maa, Meri beheno ke liye
Surakshit ye sansar hai

Samajh Nahi aata mujhey unn Darindo ki kya pehchan hai
Jis maa ki kok se nikley
Usi ko kiya lahu lohan hai

Janta hu..ki vo Na Kisi jaat ke
Na kisi dharm ke vasi hai
Vo to keval narak ke nivasi hai

Rakha jish aurat jaat ne kok Mai tujhey
Bhara pet tera...liye tujhey aanchal ki aad mai
Uss aurat jaat Ka kiya tuney balatkar hai
Aye khuda haivaaniyat Ka ye kaisa nanga naach hai

Mai janta hu sunn ke ye sab
Har log hai bhadaktey
Liye haatho Mai candle
March pe hai nikaltey

Par shayad is apraadh ki taakat itni naa badi hoti
dekhkar bhi ankhein humne agar band na karli hoti
chup naa rehkar aawaz apni pehle hi buland karli hoti
To aaj Meri bhi chahat Meri ek beti hoti

  - Tushar Dhanuka