Hadd Se Zada Jee Leta Hu

Kabhi kabhi zindagi Hadd se zada jee leta hu,
Jo apna nahi usko bhi apna samajh leta hu
Na jaane kyu, na jaane kyu aisa kar deta hu,
Jo apna hai usko chodh deta hu aur kisi aur ko apna samajh leta hu.
Kabhi kabhi zindagi Hadd se zada jee leta hu.

Pata hai wo na rahega saath, chodh dega bich me haath, firr bhi na jaane kyu apna samajh leta hu.
Zindagi ko kabhi kabhi Hadd se zada jee leta hu.

Zindagi ke safar me jiske saath hai chalna, usse bhid me kahi kho deta hu,
Pattharo ke dher me se kisi anjaan ko utha usse apni zindagi me mod leta hu,
Jo saath nahi hai uska bhi intezar karta hu
Jo saath hai usko durr se hi salam karta hu...
Rehta hu durr unse jo hai dil ke paas,
Bulata hu unhe jinki nahi hai aane ki koi aas,
Hira chodh, pattharo me motiyo ko dhundta hu,
Har gamm sehta hu, dukh ko pi leta hu...
Aakhir zindagi ko kabhi kabhi Hadd se zada jee leta hu.


©Suraj Pandey